A B C D E F G H I J K L M N O P Q R S T U V W X Y Z #

Qeshi Gjeli Ki, Ki, Ki

Dje, në fshat,
na erdhi Meti,
djalë i vogël
nga qyteti.

Poshtë në fushë
ca qengja pa
dhe u tha:

"Rriti qengja,
bëhi deh,
kombinati
kërkon lesh!"

Pak më tej
pa një viç:

"Viç o viç,
s'je rritur hiç!
Rritu, rritu,
bëhu lopë
të më mbushësh
kovat plot!"

Në kotec
pa një gjel:
"Gjel, o gjel,
qenke dembel,
asnjë vezë
s'paske pjellë?"

Qeshi gjeli
ki, ki, ki!
... Po pse qeshi,
kush e di?...

1976

- poezi nga Tasim Gjokutaj


Zgjidhni me sa yje do votoni

Mesatarja:  5 / Votuan:  1