A B C D E F G H I J K L M N O P Q R S T U V W X Y Z #

Bleta Lulet I Ka Xhan

Erdhi bleta në ballkon,
zu-zu luleve qëndron.
Qan Albana: - Mami, moj,
bleta lulet i pickoi!

- Ti, Albana, kot po qan,
bleta lulet i ka xhan.
Punon bleta ditë e natë,
që Albana të hajë mjaltë.

Thotë Albana: - Dua mjaltin,
po bletës i kam inatin!
Më pickoi një ditë mua,
m'u bë hundasa një ftua...

- Kot e shan punëtoren bletë
se fajtore je ti vetë.
Nuk i lave buzët, moj,
ndaj dhe bleta... të pickoi.

1977

- poezi nga Tasim Gjokutaj


Zgjidhni me sa yje do votoni

Mesatarja:  3 / Votuan:  11