A B C D E F G H I J K L M N O P Q R S T U V W X Y Z #

Të Gjithë Në Punë

-Babi punon,
mami punon,
Linda e vogël
vjershën mëson.

Po ti mace,
mace përtace,
pse rri te soba
dhe i shikon?

-Mjau, mjau,
kush nga ju
mua më shau?
Nuk jam përtace,
punoj dhe unë,
por se punoj,
kur ti fle gjumë.

Kur ndonjë mi
hyn në shtëpi,
unë e përgjoj,
e kap me thonj.
Tani më thoni,
a nuk punoj?!

-Babi punon,
mami punon,
Linda e vogël
vjershën mëson.
Macja pranë sobës
tani fle gjumë,
se natën vonë
ajo ka punë.

1972

- poezi nga Tasim Gjokutaj


Zgjidhni me sa yje do votoni

Mesatarja:  3 / Votuan:  2