A B C D E F G H I J K L M N O P Q R S T U V W X Y Z #

Bardhë E Zi

U rritem,
e u mplakem
në skamje ngjyrash...

Bardhë si maja malit
plisi mbi krye,
këmisha... japanxhja.

Zi si retë
pak pa plas rrufet,
leshi galave;
për gajtanë tirqish,
xhamadanë e xhubleta.

Për futa nanash
me lidhë kryet
t’ mos iu plas kapaku
sa herë rrëzohen lisat.

Rrallë e pamë ylberin
me i’a grabitë të kuqen,
sa me i pri bajrakut
a me mbulue djepat.

Bardhë e zi kjo jetë,
si leshi i deleve tona.

05.02.2017

- poezi nga Xhenc Bezhi


Zgjidhni me sa yje do votoni

Mesatarja:  5 / Votuan:  3





Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.al © 2007 - 2018